Interview mam Jessie LANG, Member vum Photo-Club Gemeng Suessem

Fernand BRAUN (FB) : Wéi koums du zur Fotografie ?

Jessie LANG (JL) : Hu schonn mat 15-16 Joer gäre Fotoe gemaach. Virun Allem Landschaften a Planzen. Sinn do an de Lycée Aline Mayrisch an der Stad gaangen, E-Sektioun mat der Optioun - Fotografie.

FB : Wéi ass et dann dunn weider gaangen ?

JL : Ech hunn éischt Coure besicht, ënner anerem bei där. An do e Stage gemaach beim Carmen (photoCreative.lu). Hunn dann zu Köln op der Fotoakademie zwee an en halleft Joer Fotografie studéiert. Dat war direkt eng grouss fotografesch Entwécklung a Verännerung, vill

verschidden Projeten an ënnerschiddlechen Beräicher, wéi z.B. illustrativ Aarbechten als Schwéierpunkt entwéckelen, Werbung, Produktfotografie, Architektur, Schaffen an editéieren mat Photoshop vir méi Méiglechkeeten ze hunn a meng Kreativitéit ze entwéckelen.

Mat dem Ofschloss als Diplomfotograaf.

FB : Wat ass däin Dram fir d'Zukunft ?

JL : Éischt Opträg ze kréien an hoffentlech zukünfteg nach méi vir meng Passioun zu mengem Beruff maachen ze kennen, Wonsch vun der Fotografie liewen ze kennen.

FB : A wat fir eng Fotografie wëllst de do maachen ?

JL : Architektur-Fotografie, Dronen-Fotografie, Produkt a Werbung + kënschtleresch Ausstellungen an Art-Prints, eventuell Photoshop-Nohellefstonnen ginn.

FB : Wéi géifs du deng aktuell Aarbecht beschreiwen ?

JL : Zimmlech grafesch opgebaut, oft kënschtleresch an inzenéiert, illustrativ, vill Bildmanipulatioun, faarweg, speziell, awer och clean an

professionell.

FB : Wëllst de soss nach Eppes lass ginn ?

JL : Jo, mäi Site fir e puer vu mengen Aarbechten ze weisen: www.jessielang.com